Shiva Maanasa Pooja

Shiva Maanasa Puja by Shri Adi Shankara

रत्नैः कल्पितमासनं हिमजलैः
स्नानं च दिव्याम्बरं
नानारत्नविभूषितं मृगमदामोदाङ्कितं चन्दनम्।
जातीचम्पकबिल्वपत्ररचितं पुष्पं च धूपं तथा
दीपं देव दयानिधे पशुपते
हृत्कल्पितं गृह्यताम्॥१॥

ratnaih kalpitam aasanam hima jalaihi
snaanam cha divyaambaram
naanaa ratna vibhooshitam mrgamadaam
modaankitam chandanam|
jaatii champaka bilva patra rachitam
pushpam cha dhuupam tathaa
diipam deva dayaanidhe pashupate
hrtkalpitam grhyataam||1||

 

सौवर्णे नवरत्नखण्डरचिते पात्रे घृतं पायसं
भक्ष्यं पञ्चविधं पयोदधियुतं
रम्भाफलं पानकम्।
शाकानामयुतं जलं रुचिकरं कर्पूरखण्डोज्ज्वलं
ताम्बूलं मनसा मया विरचितं
भक्त्या प्रभो स्वीकुरु॥२॥

sauvarne navaratna khandarachite
paatre ghrtam paayasam
bhakshyam pancha vidham payo dadhi yutam
rambhaa phalam paanakam|
shaakaanaa mayutam jalam ruchikaram
karpuura khandoj jvalam
taambuulam manasaa mayaa virachitam
bhaktyaa prabho svii kuru||2||

 

छत्रं चामरयोर्युगं व्यजनकं
चादर्शकं निर्मलं
वीणाभेरिमृदङ्गकाहलकला
गीतं च नृत्यं तथा।
साष्टाङ्गं प्रणतिः स्तुतिर्बहुविधा
ह्येतत्समस्तं मया
सङ्कल्पेन समर्पितं तव विभो
पूजां गृहाण प्रभो॥३॥

chatram chaamara yoryugam vyajanakam chaadarshakam nirmalam
veenaa bheri mrdanga kaa halakalaa
geetam cha nrtyam tathaa|
shaashtaangam pranatih stutir bahuvidhaa
hyetat samastam mayaa
sankalpena samarpitam tava vibho
puujaam grhaana prabho||3||

 

आत्मा त्वं गिरिजा मतिः सहचराः
प्राणाः शरीरं गृहं
पूजा ते विषयोपभोगरचना निद्रा समाधिस्थितिः।
सञ्चारः पदयोः प्रदक्षिणविधिः
स्तोत्राणि सर्वा गिरो
यद्यत्कर्म करोमि तत्तदखिलं
शम्भो तवाराधनम्॥४॥

aatmaa tvam girijaa matih sahacharaah
praanaah shareeram grham
pujaa te vishayo pa bhoga rachanaa
nidraa samaadhi sthitihi|
sanchaarah padayoh pradakshina vidhih
stotraani sarvaa giro
vadyat karma karomi tatta dakhilam
shambho tavaaraadhanam||4||

 

करचरणकृतं वाक्कायजं कर्मजं वा
श्रवणनयनजं वा मानसं वापराधम्।
विहितमविहितं वा सर्वमेतत्क्षमस्व
जय जय करुणाब्धे
श्रीमहादेव शम्भो
श्रीमहादेव शम्भो
श्रीमहादेव शम्भो॥५॥

kara charana krtam vaak-kaayajam karmajam vaa
shravana nayanajam vaa
maanasam vaaparaadham|
vihitama vihitam vaa
sarva metat kshamasva
jaya jaya karunaabdhe
shriimahaadeva shambho
shriimahaadeva shambho
shriimahaadeva shambho ||5||

 

Advertisements